Ombudsman

Ombudsman 

Ombudsman a wordo institui pa ley (Landsverordening Ombudsman AB 2020 no. 145, yama siguientemente LvO). Ombudsman ta un institucion independiente y imparcial cu ta trata kehonan contra instancianan conforme ley. Ombudsman ta investiga si e instancia a actua na un manera diligente, cauteloso, corecto y conforme ley. Ademas Ombudsman ta contribui na bon maneho, transparencia y integridad. Ombudsman ta investiga si un instancia ta trata un y tur den forma apropia basa riba un keho cu wordo entrega of riba propio iniciativa. E evaluacion aki ta wordo ehecuta entre otro a base di e normanan di conducta apropia (cu a wordo publica den behoorlijkheidswijzer di Bureau Ombudsman), principionan di bon maneho y tratadonan internacional. Un y tur por acudi sin ningun costo cerca Ombudsman ora nan ta haya cu un instancia a trata nan inapropia.

Tareanan di Ombudsman:

• Trata y investiga kehonan tocante instancianan;
• Supervisa con kehonan di hobennan of nan representantenan legal cu ta regarda instancianan ta wordo atendi door di instancianan;  
• Promove bon gobernacion;
• Duna conseho, riba propio iniciativa of riba peticion, pa mehora servicio publico;
• Señala problemanan structural den maneho di gobierno y e instancianan menciona den ley; y
• Raporta anualmente y por escrito na diferente entidad encuanto actividadnan y consehonan di Bureau Ombudsman.
• Organonan administrativo;
• Entidadnan huridico cu gobierno a institui;
• Companianan estatal;
• Organisacionnan priva cu tareanan di interes general y cu ta ricibi placa di gobierno;
• Organisacionnan priva cu ta ehecuta tareanan cu mucha y hoben (tur persona te cu 17 aña) riba tereno di enseñansa, ayudo y guia, cuido, cuido medico; y
• Tur e empleadonan di dicho instancianan hasta si e relacion di trabou a termina caba.

Instancianan conforme articulo 1 LvO:

• Organonan administrativo;
• Entidadnan huridico cu gobierno a institui;
• Companianan estatal;
• Organisacionnan priva cu tareanan di interes general y cu ta ricibi placa di gobierno;
• Organisacionnan priva cu ta ehecuta tareanan cu mucha y hoben (tur persona te cu 17 aña) riba tereno di enseñansa, ayudo y guia, cuido, cuido medico; y
• Tur e empleadonan di dicho instancianan hasta si e relacion di trabou a termina caba.