Destaho publico pa fase 1 di Agri-Innovation Park (AIP) ta habri 1 di september 2025.

Ultimo dia pa entrega oferta lo ta 1 di october 2025. Por haya tur speficacion di e dos destaho publico aki na Departamento di Asuntonan Economico, Comercio y industria (DEZHI).

1. Factibilidad Economico I Business Case AIP

Pa e prome destaho mester realisa un estudio di factibilidad economico y crea un businesscase pa Fase 1 (0–3 aña) di e Agri-Innovation Park Aruba (AIP). 

E tarea di esaki ta inclui:

• Desaroyo di un modelo financiero y organisatorio;   
• scenarionan di invercion, gastonan di operacion;
• desaroyo di modelo di prijs di huur;
• recomendacionnan pa e formulario di exploracion y maneho.

Mas informacion y rekisitonan/publicacion oficial por haya den e documento aki:  

• Destaho publico Factibilidad Economico y Business Case

      2. Diseno I Modelo di maneho tecnico AIP

Pa e di dos destaho mester presenta e diseño y modelo di maneho tecnico pa Fase 1 (0–3 aña) di e Agri-Innovation Park Aruba (AIP), cu ta inclui:

• E structuranan di e greenhousenan y infrastrucura;
• Maneho di energia y awa;
• Logistica ymantencion;
• Diseño operacional.

Mas informacion y rekisitonan/publicacion oficial por haya den e documento aki:  

• Anuncio di destaho publico Diseño Tecnico AIP

Manera ta conoci na mei ultimo a presenta na Minister di Finansa, Asunto Economico y Sector Primario Geoffrey Wever e resultado preliminario di un estudio importante tocante horticultura comercial ("commerciele kassteelt") cu ta pone Aruba un paso mas cerca na seguridad alimentario y sostenibilidad economico. 

A realisa e estudio aki, den colaboracion cu PRIVA, Santa Rosa, TWO-Aruba y Hulanda, y a sirbi como fundeshi pa e creacion di e Agri-Innovation Park: un centro di conocemento y produccion horticultural moderno cu lo traha pa futuro di Aruba.

“E Agri-Innovation Park no ta solamente ta un proyecto a corto plaso, e ta un inversion structural den nos futuro. Nos ta traha pa yega na mas independencia alimentario, crea mas oportunidad y cupo pa trabou y stimula un crecemento economico sostenibel. E proyecto no ta wordo desaroya pa competi cu horticulturnan actual, sino pa fortifica nan y crea mas espacio pa innovacion, cooperacion y crecemento. Mi ta contento cu awor nos t abai drenta e Fase 1 y mi kier a invita tur esnan cu kie entrega un oferta pa e destaho publiconan aki pa haci esaki mas pronto cu ta posibel,” Minister Geoffrey Wever a comenta.