Workshop Global Client Blueprint di Exprodesk DEACI
ORANJESTAD - Departamento di Asunto Economico, Comercio y Industria (DEACI), pa medio di su unidad Exprodesk, ta anuncia e workshop di 3 dia “The Global Client Blueprint: Exporting Your Services Beyond Aruba.” E workshop ta enfoca riba yuda profesionalnan y dunadonan di servicio na Aruba, compronde con nan por ofrece nan conocemento, experiencia y experticio na clientenan internacional. Participacion ta completamente gratis!
Fecha: 22-23-24 juni 2026
Orario: 6pm pa 8pm
Luga: Cas Veneranda, Wilhelminastraat 7, Oranjestad
Organisado: Exprodesk – Departamento di Asunto Economico, Comercio y Industria (DEACI)
Registracion: https://cutt.ly/GlobalClients
Contacto: g.pais@deaci.aw
Durante e tres dianan, e participante lo haya conocemento practico riba areanan esencial pa explora oportunidadnan internacional den e sector di servicio. Door di combina conocemento practico cu guia di expertonan, e workshop lo yuda e participante comprende con su experticio por bira un oportunidad real pa crecemento internacional.
Detaye cortico di e Evento:
Dia 1 (22 Juni, 6pm-8pm) – Your Expertise Has a Global Market
E participante lo explora con e por posiciona su habilidad profesional y servicio basa riba conocemento, riba mercado internacional. Tambe lo duna informacion riba oportunidadnan nobo cu Aruba ta ofrece pa brinda servicio profesional for di Free Zone.
Dia 2 (23 Juni, 6pm-8pm) – Packaging, Pricing & Selling Your Expertise Internationally
E sesion aki lo enfoca riba con e profesional por structura su servicio den un oferta cla y bende nan experticio na clientenan internacional. E participante lo siña tocante diferente modelo, manera proyecto, retainer, subscripcion, prijs pa mercado internacional, ademas di consideracionnan basico di contracto y entrega di servicio.
Dia 3 (24 Juni, 6pm-8pm) – Finding Clients & Moving Forward with Confidence
E ultimo dia lo ta enfoca riba strategianan practico pa haya clientenan internacional, incluyendo networking, plataforma digital y partnerships. E participante lo sali cu claridad riba e pasonan necesario cu ta sigui pa posiciona su servicio internacionalmente.
“The Global Client Blueprint” ta habri pa:
· Business, Management & Strategy Consultants
· Financial, Accounting & Legal Services
· Human Capital & Training professionals
· ICT & Digital Services
· Marketing, Communication & Creative Services
· Technical & Professional Design Services
· Sustainability & Environmental Services
· Tourism, Hospitality & Events professionals
· Freelancers y companianan cu ta of ta bay atende clientenan internacional