Wikimedia Commons, e banco di media di Wikipedia ta celebra 20 aniversario
ORANJESTAD - Wikimedia Commons, miho conoci como e archivo di media di Wikipedia, diasabra 7 di september 2024, a celebra nan 20 aniversario. Desde su inicio na 2004, Wikimedia Commons a crece y bira un di e bibliotecanan di media mas grandi y diverso na mundo.
Wikimedia Commons ta contene mas cu shen miyon potret, illustracion, modelo 3 dimensional, archivo di audio y video cu ta accesibel na tur hende sin costo.
Wikimedia Commons: e banco di media di Wikipedia
Dia 7 di september 2004, un grupo di boluntario a funda Wikimedia Commons, como un banco central pa warda archivo di media disponibel. Mirando cu tur media cu ta parece riba Wikipedia, ta origina for di Wikimedia Commons, esaki a haya e apodo como e banco di media mundial. Doñonan oficial di Wikimedia Foundation, un NGO Americano, ta doño tambe di Wikipedia.
Biblioteca Nacional Aruba a haci un donacion na e archivo di Wikimedia Commons, dunando e coleccion di potret Meiners cu ta consisti di 397 potret saca di e bida na Aruba entre añanan '50 y '80. E coleccion di potret di Dr. Arthur Meiners (dokter den servicio di Refineria LAGO) ta duna un impresion unico na color, di Aruba durante 1955 y 1985. Dr. Meiners mientrastanto tin 99 aña y ta biba na Hulanda. Su coleccion ta forma parti tambe di e Coleccion Aruba di Biblioteca Nacional.