Tres polis di Aruba a bira officier van dienst van politie (OVD-P)
ORANJESTAD - Recientemente a tuma lugar un curso intensivo di OVD-P (Officier Van Dienst van Politie) na Corsou.
E curso a concentra riba e parti di, supervisa e decisionnan tuma na e sitio di e sucedido como tambe dirigi y traha hunto cu diferente otro departamentonan (partners).
Cuerpo Policial di Aruba, Corsou, Caribe Hulandes y Sint Maarten a participa na e curso aki.
Tabata un curso na unda a certifica diferente polisnan den nos region pa ta un OVD-P. A confronta coleganan cu diferente scenarionan na unda nan mester a pone den practica loke nan a siña pa asina por a demostra cu nan ta prepara pa cualkier situacion cu presenta.
Docentenan Hulandes di Politie Academie a duna e curso. E curso tabata for di 21 juli pa 1 augustus 2025 y ta parti den dos fase tanto teoretico y practico.
Den presencia di altocomisario di Corsou a bay over na duna e certificado na e 8 cursistanan.
Orguyosamente nos por bisa cu tur 8 cursista a logra nan certificado cu exito. Awor Cuerpo Policial tin 3 polis mas como tambe esnan den nos region cu ta capacita pa cualkier eventualidad.
Cada un a ricibi nan vest di OVD-P cu sumo placer y orguyo. Cuerpo Policial Aruba ta orguyoso di cada un agente policial cu a termina e curso intensivo aki cu exito! Masha pabien!
