Tips pa biahero

Departamento di Salud Publico ta duna algun recomendacion pa tur cos bay bon cu bo vakantie y logra un berdadero tempo di descanso y felicidad sin strobacion:

• Informa riba diferente aspecto di e pais cu bo ta bay bishita: clima, haltura, higiena, calidad di awa, e malesanan cu tin den e pais y con pa proteha bo mes di esakinan.
• Ora di come, laba man bon prome; come cuminda cu ta recien cushina y no cu a para pa basta rato.
• Bebe awa di boter, laba fruta cu awa di boter of come frutanan cu casca.
• Si bo ta sufri di un malesa cronico consulta cu bo dokter prome cu bo biaha y si bo ta uza remedi bay cu extra.
• Averigua si e pais cu bo ta bay ta exigi pa bo tuma cierto vacuna.
• Sea atento na insecto cu ta transmiti malesa. 
• Pa bo siguridad y di bo famia, no lubida di cera un seguro di biahe.