SV. Britannia campeon di Copa ABC Boneiro.
ORANJESTAD - Diabierna 23 di augustus 2024, e ekipo Di S.V. Britannia, a bolbe Aruba, despues di a conkista e titulo di campeon di Copa ABC Boneiro.
SV Britannia ta campeon di Division di Honor 2023-2024 y bay representa Aruba na Boneiro den Copa ABC di 15 pa 19 di augustus ultimo. Copa ABC na Boneiro a conta cu cuater (4) team cu a bataya otro, esta Real Rincon campeon di Boneiro, Vespo subcampeon di Boneiro, Young Colombia campeon di Corsou y Britannia campeon di Aruba.
E final tabata entre Britannia y Young Colombia di Corsou den un partidp yena cu accion. E partido final tabata na fabor di Young Colombia cu a anota e prome gol, poniendo Britannia den un posicion desbentahoso, pero determinacion y disciplina a pone Peter Susebeek y Fernando de Sousa score 2 gol y marca historia pa Britannia, ganando cu 2-1 e Copa ABC pa prome biaha.
Como muestra di orguyo, Gobierno di Aruba, a entrega e futbolistanan campeon un medaya. Ministerio di Deporte ta gradici e presidente, coach, directiva y henter e ekipo di SV Britannia cu a representa Aruba dignamente denCopa ABC na Boneiro. Alabes ta felicita nan cu e gran triunfo aki.