SUELDO App, un medio pa asisti den e cambio pa salario minimo pa ora
ORANJESTAD- Ministerio di Labor hunto cu DAO ta introduci un App bou di e nomber SUELDO, pa asisti cu e cambio di ley cu ta trata e salario minimo pa ora cu ta drenta na vigor 1 januari 2026.
E SUELDO App ta pa duna e trahadonan y e dunadonan di trabou un indicacion si e cambio pa un salario minimo pa ora ta aplicable den nan situacion. Entrante 1 di januari 2026 e salario minimo ta bira AWG. 11,58 pa ora.
E link pa yega na e SUELDO App ta:
https://daoaruba.com/index.php/sueldo/
Riba website di DAO (www.daoaruba.com) por lesa e FAQ (Frequently Asked Questions) pa mas clarificacion y guia. E ta den diferente idioma. Aki tambe ta haya informacion relaciona cu salario minimo pa personal domestico.
Si tin mas pregunta of mester di mas splicacion, por haci e siguiente:
- Manda un email riba dao.uurloon@gmail.com.
- Manda un WhatsApp riba 593-6934. E WhatsApp ta exclusivamente pa preguntanan relaciona cu sueldo minimo pa ora.
- Yama 523-7720.
- Bishita DAO situa na Paardenbaaistraat 11 di 7:30 am pa 12:00 pm y 1:00 pm pa 3:00 pm.
Por ultimo, nos ta comparti con ta calcula e salario minimo nobo:
- Salario minimo pa siman ta uza e siguiente formula:
Salario pa siman = cantidad di oranan di trabou pa siman x salario minimo pa ora. - Salario minimo pa luna ta uza e siguiente formula:
Salario pa luna = cantidad di oranan di trabou pa siman x salario minimo pa ora x factor 4,333
Trahadonan cu ta trahando 40 ora pa siman y cu na e momento aki ta ganando un salario minimo di AWG. 1986,20 pa luna, mester adapta nan salario uzando e factor corecto di 4,333. Esaki lo resulta den un salario minimo di AWG. 2007,05 pa luna desde 1 januari 2026.
