Studiantenan di Universidad di Aruba ta presenta: “Latin Vibes – A Culinary Affair, a 5-Course Wine Pairing Benefit Dinner”

E grupo di studiante den nan di dos aña di e "Meetings & Events Management course" ta preparando un evento yama “Latin Vibes” pa 100 persona, cu lo inclui un cena di cinco plato y su biña corespondiente acompaña cu entretenimento specifico na cada plato.  

Un evento, dos meta:

1. Na prome luga e evento lo ofrece e studiantenan practica real, caminda cu nan lo organisa y ehecuta e evento di comienso te final, lo prepara e menu, setup, sirbi y break down bou guía di expertonan di Divi & Tamarijn Aruba All Inclusive.
2. Na di dos lugar, e ta un evento pa recauda fondo pa facilita entre otro, biahenan y actividadnan educativo pa studiantenan di e facultad.

E evento special aki ta habri porta pa mas colaboracion entre partnernan den e industria turistico.
Proyectonan asina ta permiti studiantenan pusha nan potencial, tanto paden como pafo di e cuater murayanan di un klas tradicional, a traves di ”experiential learning’. Ademas e ta ofrece nan oportunidadnan cu lo tin un impacto pa bida largo.

Universidad di Aruba ta invita e comunidad di Aruba pa un anochi di cuminda delicioso,
entretenimento y conversacionnan ameno pa un bon causa. Latin Vibes – A Culinary Affair ta dia 23 di maart, 2024 di 6:00 – 10:00 pm na Universidad di Aruba. Carchi ta disponibel pa $100 pa persona, tambe tin mesa di 2 persona disponibel.

Companianan cu kier regala nan staff, miho empleadonan, y/of clientenan e experiencia aki, por tuma contacto cu Lauren Croes via email laurencroes@hotmail.com of Jo-Anne Croes via email jo-anne.croes@ua.aw.