Siman Internacional di Lech'i Pecho 2026

Departamento di Salud Publico kier comparti informacion valioso tocante e topico importante aki.

Dicon nos ta pone atencion na e siman aki?

Ta observa e siman aki pa conscientisa riba e importancia di duna lech'i pecho, proteha e derecho di mamanan pa haci esaki libremente y promove e beneficio di salud cu esaki ta trece pa tanto e baby como e mama.

Tambe, esaki ta un yamada pa accion general di famia, doñonan di trabou y comunidad completo; pa crea un ambiente di apoyo pa cada mama por logra su meta di duna pecho den tur trankilidad.

Pa aña 2026 e tema ta "Duna Pecho pa un Cuminsamento Sostenibel den Bida: Fortalece Loke Ta Traha"

Dunando pecho, nos ta duna nos yiunan un bon comienso den bida. Duna lech'i pecho ta aporta na un futuro mas saludabel y sostenibel pa henter nos comunidad.

Lanta muchanan cu lechi materno ta:

• Crea un precioso laso entre e baby y mama.
• Gratis y ta constitui e alimento perfecto y completo cu ta natural. 

Si e metodo aki ta trahando for di cuminsamento di nos existencia, mester keda fortalec'e pasobra ta demostra cu e ta funciona.

Tip pa sociedad y famia:

Crea espacio di apoyo na cas, trabou y den areanan publico. E no ta un responsabilidad di e mama so, pero di nos tur!

Cu lechi materno e babynan tin tur cos: Alimento, Proteccion y Amor!