Sesion virtual en especial pa studiantenan na Hulanda y Aruba
ORANJESTAD - Diamars 30 september, Minister Plenipotenciario na Merca, Sra. Zulema Erasmus lo tene un biaha mas un sesion virtual pa tur studiantenan di Aruba cu ta atendiendo universidad sea na Aruba, Hulanda of otro parti.
E sesion virtual aki ta pa comparti informacion y convence studiantenan cu ya caba ta haciendo un estudio universitario sea na Aruba of na Hulanda, cu tin oportunidadnan na Merca pa stage y haci research, y cu tin fondo pa cu esaki via di e fundacion di Netherland-America Foundation (NAF).
Un evento cu lo elabora riba dje ta e DC Summer Internship Program cu ta tuma lugar anualmente di mei pa juli pa un periodo di dos luna na Washington DC.
E Summer Internship Program na Washington DC ta un programa cu e studiante di nacionalidad Hulandes cu ta atendiendo cualkier universidad pafor di Merca e oportunidad pa:
- Haya experencia valioso di stage y fortalece nan CV;
- Mehora nan networking skills y construi rednan (networks) profesional na Washington, DC;
- Participa den actividadnan academico y profesional na un universidad renombra;
- Explora e ciudad y su institucionnan pa medio di eventonan cultural y social;
- Conoce diferente persona di influencia na Washington, DC;
- Desaroya e habilidadnan necesario pa un carera profesional exitoso.
Ta haci e programa cu otro studiantenan na Merca y otro parti di mundo y ta pa yuda e futuro hoben profesional cu e skillset pa un carera exitoso. NAF ta ofrece scholarship pa paga e gastonan di participacion na e programa aki.
Na e sesion lo participa:
- Minister Plenipotenciario na Merca cu lo habri e sesión;
- Maggie Maloney di NAF lo presenta tur e oportunidadnan cu e fundacion ta ofrece;
- Evanee Giel, un studiante Arubiano cu recientemente a forma parti di e DC Summer Internship Program.
Fecha y orario: diamars 30 september pa 10.00 am (ora di Aruba)
Plataforma: Zoom
Registra na https://forms.gle/VSdgyvveyRWuG7YL9.