Secretario di Estado Szolt Szabó ta duna resumen di su biahe na Aruba

Secretario di Estado Szabó durante su bishita cortico, no solamente a enfoca riba reunionnan, sino tambe a bishita algun luga di interes.

Secretario di Estado Szabó a bishita e cunucu hidroponico 297 Farm, unda cu el a haya splicacion di cultivacion di lechuga. Segun Secretario di Estado Szabó, esaki ta un gran ehempel di autosuficiencia. Secretario di Estado a haya un recorido na San Nicolas y a remarca cu e ‘pueblo rond di e ex refineria’ ta mustra claramente con Aruba a desaroya di un economia enfoca riba petroleo pa turismo.

Ademas Secretario di Estado Szabó a reuni cu Gobernador di Aruba, Sr. Alfonso Boekhoudt, Prome Minister Evelyn Wever-Croes y e otro ministernan di e Gabinete. Tambe a reuni cu Presidente di Parlamento di Aruba Edgar Vrolijk, Staten, y e lidernan di cada fraccion.

Secretario di Estado Szabó a compari su prioridadnan pa cu e partnernan den Reino; bon gobernacion, maneho financiero solido y autosuficiencia economico. Tambe a toca e tema di e oportunidadnan cu digitalisacion ta ofrece, por ehempel pa haci cuido medico mas accesibel.