Secretario di Estado nobo di Relacionnan di Reino di bishita na Aruba

E file aki ta den archivo.

ORANJESTAD – Dialuna 12 di augustus, Prome Minister Evelyn Wever-Croes a reuni cu e Secretario di Estado nobo di Relacionnan di Reino y Digitalisacion, sr. Zsolt Szabó, cu ta bishitando e islanan den Reino pa prome biaha den dicho funcion. 

Secretario di Estado Szabó, tabata acompaña pa su delegacion, hunto cu representante di VNO (Vertegenwoordiging van Nederland in Oranjestad), sr. Vincent Storimans, y representante di VNACS (Vertegenwoordiging van Nederland in Aruba, Curaçao en Sint Maarten), sr. Edson Hato.

Despues di e reunion cu Prome Minister, a sigui un reunion cu Conseho di Minister di Aruba y despues a duna un presentacion di e Landspakket na e Secretario di Estado. Ademas sr. Szabó a reuni cu Gobernador di Aruba, S.E. Alfonso Boekhoudt, cu Presidente di Parlamento sr. Edgard Vrolijk y lidernan di fracionnan den Parlamento. 
 
Sr. Szabó a keda satisfecho di e bishita y ta premira continuacion di e relacion solido den bienestar di tur e partnernan den Reino Hulandes. For di Aruba, sr. Szabó ta continua cu su bishitanan pa Corsou y Boneiro.  
 

Secretario di Estado nobo di Relacionnan di Reino di bishita na Aruba