Scol Practico pa Ofishi awo cu klasnan di 4 y 5 aña
E file aki ta den archivo.
ORANJESTAD - Recientemente, Minister di Enseñansa y Deporte Endy Croes, a bishita Scol Practico pa Ofishi (SPO), na unda e Director di SPO Brazil Marc Thiel, hunto cu juffrouw Greta, a duna e mandatario un recorido na e scol.
E aña escolar aki, pa prome biaha den historia a inicia cu aña 4 y 5 na SPO. Antes e estudio na SPO tabata te cu aña 3. Cu e cambio aki, ta brinda e alumnonan cu ta hopi jong pa drenta mercado laboral, e oportunidad pa sigui studia y prepara nan mes mas miho. Tin tres (3)
grupo cu a inicia e aña aki pa nivel di ABO 1: un grupo di Horeca, un grupo di Bouw y un grupo
di Preparacion pa Labor. Ademas e director di SPO a informa cu nan ta cla pa inicia cu e programa di dos (2) aña cu ta certifica na nivel di ABO 1.