Reunion cu Embahador Hulandes na Panama, relaciona cu un Mision Comercial pa Panama
ORANJESTAD - Actualmente ta di bishita na Aruba Emabahador di Reino na Panama señor Sander Cohen.
Durante su bishita, Señor Cohen a reuni cu Prome Minister Evelyn Wever-Croes, Minister di Asuntonan Economico, Comunicacion y Desaroyo Sostenibel, Geoffrey Wever, Minister di Turismo y Salud Publico, Dangui y tambe cu ATIA, Camara di Comercio, AHATA y diferente otro stakeholder pa asina por cuminsa prepara e "handelsmissie".
Durante e embahador su bishita na Minister Wever, e tabata acompaña pa director di Holland House na Panama, sr. Robert Bosman, directeur di Directie Buitenlandse Betrekkingen (DBB), sra. Jocelyne Croes, y senior policy advisor di DBB, sra. Ghislaine Nicolaas, relaciona cu un Trade Mision cu embahador Hulandes na Panama y director di Holland House ta organisando pa e islanan Hulandes na december 2024.
Usualmente, un pais ta organisa un mision comercial pa atrae delegacionnan comercial di otro pais, pero e biaha aki e mision comercial ta organisa pa e islanan Hulandes den Caribe, un muestra di solidarismo den Reino Hulandes.
Como pais cu ta importa gran parti di su productonan, Aruba mester keda sondea den region unda nos por haya producto mas economico y brinda comercio mas opcion comercial. Participacion di e otro islanan Hulandes manera Corsou y Boneiro tambe ta interesante, mirando cu e ta duna e opcion pa hunto identifica kico e retonan ta y busca solucion comun.
Logistica semper ta un reto, y kisas consolida carga pa e islanan por traduci den prijs di transporte reduci cu na final ta refleha den prijsnan di producto mas economico pa e consumidor.
Ministerio di Asunto Economico ta invita empresarionan local pa forma parti di e mision comercial aki cu lo tuma luga den december 2024 na Panama.