Restauracion di Juliana y Reina Beatrix School

Durante e ceremonia Minister President mr. Mike Eman a hiba palabra dilanti Minister di Infrastructura, Energia y Telecomunicacion, sr. Gervais R. Herdé y Minister di Relacionnan den Reino, Enseñansa, Hubentud, Innovacion y Deporte sra. mr. Gerlien L. Croes, ex – cabesantenan, invitado y arkitectonan engarga cu e proyecto pa asina anuncia e motibo, intencion y trayectoria cu lo tuma pa e restauracion y renobacion di ambos scol.

Un fase nobo a keda anuncia, caminda a inaugura e oficina nobo, Monumenten Planning Bureau, unda antes tabata klas di N&T di Juliana School, caminda lo diseña y desaroya e planificacion di ambos scol. Teniendo na cuenta e balor sentimental cu nan tin den e area, caminda varios docente y alumno a biba tambe, pa asina nan por pasa y mira cu trabou a inicia y nan por ta sigur cu e restauracion ta tumando luga.