Renobacion di Cas Veneranda ta den “full swing”
ORANJESTAD - Recientemente Minister di Asunto Economico, Comunicacion y Desaroyo Sostenibel Geoffrey Wever, a haci un inspeccion na e sitio di construccion di Cas Veneranda acompaña pa sra. Daphne Every y sra. Anne Witsenburg di Stichting Monumentenfonds, kende ta maneha e proyecto di restauracion.
Actualmente e proyecto ta den e fase di demolicion y preparacion pa bay destaho publico pa e restauracion. Durante e recorido por a presencia e mahestad di e edificio clasico y e proceso cu lo termina den un hoya di edificio y un otro herencia cultural den Oranjestad.
Banda di restauracion di e edificio y conservacion di e aspectonan original di e edificio, lo combina adaptacionnan “arkitectonico” moderno y crea un edificio cu caracter multifuncional. E espacio lo brinda diferente actividad economico. Departamento di Asunto Economico, Comercio y Industria miho conoci como DEZHI lo ta ubica den e edificio aki. Ademas ta inclui un espacio pa reunion priva na disponibilidad di publico, como tambe un restaurant.
Cu e diferente actividadnan aki ta garantisa cu mas hende por haci uzo di e edificio, y gosa di un di e edificionan mas iconico den nos centro di ciudad.
Hunto mester hiba nos bek na un centro di ciudad vibrante door di:
- Restaura edificionan di balor monumental;
- Hisa e calidad di e infrastructura rond di Oranjestad;
- Garantisa mas accesibilidad y seguridad.
E esfuersonan aki lo traduci den un ciudad mas prospero cu ta cumpli cu tur rekisito pa ta un ciudad comercial viabel.
Ta premira cu den 2025 e restauracion di Cas Veneranda ta completa.