Registro Laboral (Arbeidsregister)

E doño di trabao tin e obligacion di:

  • tene un registro laboral;
  • informa e Ministro di Asunto Social, Hubentud y Labor of un funcionario nombra pa e Ministro, dentro di dos biaha 24 ora di e inicio of terminacion di un relacion di trabao cu un trahado;
  • informa e Ministro di Asunto Social, Hubentud y Labor of un funcionario nombra pa e Ministro cada tres luna e cambionan den e salario di e trahadonan respecto di e lunanan anterior;

Pa mas informacion por consulta e Ley pa registracion di trahadonan (Landsverordening tot inschrijving van arbeidskrachten).

  • e doño di trabou ta yena e registro laboral.
  • e registro laboral concerni ta menciona e fam, nomber y fecha di nacemento di e trahadonan den e negoshi. Ta permiti pa tene dicho registro den forma di un registro di carchi (ficha). 

Unda pa pidi'e? / Mas informacion na

E Seccion di Maneho Financiero na Departamento di Labor

Kico mi tin di hiba cu mi?

Pa solicita un registro laboral mester trece e siguiente documentonan:

  • prueba di inscripcion den e registro di Camara di Comercio;
  • permiso di establecimento di Departamento di Asunto Economico (ora ta trata di NV);
  • Awg. 20,- pa stampia.

Cuanto e ta costa?

Pa haya un registro laboral mester paga e suma di Awg. 20,-.

Cuanto tempo ta dura pa hay'e?

E tempo di espera ta 5 minuut. Por haci solicitud na Departamento di Labor, of na Seccion di Maneho Financiero.