Proyecto piloto di bodycam na San Nicolas y Oranjestad
ORANJESTAD - Cuerpo Policial di Aruba ta informa cu e proyecto piloto di bodycam ta canando den bon direccion.
Na inicio di e proyecto aki polis uniforma di Districto di Noord y Santa Cruz a test e bodycam den nan trabou diario. Awor despues di dos luna districto di San Nicolas y Oranjestad ta yega na turno pa test e bodycam.
E proyecto aki ta piloto y tur nos agentenan policial ta hayando e entrenamentonan necesario pa asina por uza e bodycam durante ehercicio di nan trabou diario.
Cuerpo Policial Aruba ta den un periodo di transicion di introduccion di tecnologia moderno y avansa pa asina eleva e trabou di Polis pero tambe pa siguridad y combati criminalidad eficiente y capaz.
