Proyecto di agricultura na Scolnan Basico a cuminsa

Na 13 scol rond di Aruba lo instala un hardin di alimentacion unda cu muchanan di eerste te cu zesde klas lo siña planta, cuida y cosecha diferente tipo di mata.

E proyecto ta un esfuerso entre Santa Rosa, Living Soil Aruba y Ministerio di Naturalesa, y a cuminsa diasabra 20 di januari na Scol Basico Washington. For di 7’or di mainta te cu 1’or di merdia e muchanan bao guia, a planta diferente mata den e hofi na school. Cada scol lo haya un workshop for di Living Soil prome, mientras cu Santa Rosa ta prepara e espacio, ekipo y material di antemano. Ora cu esaki nan ta cla, lo planta diferente mata di berdura y fruta cu ayudo di e scolnan y boluntarionan.

E meta di e proyecto aki ta pa brinda nos hobennan herment cu lo yuda nan den futuro y nasu turno fortalece nos sector primario. Muchanan lo siña tocante alimentacion y agricultura sostenibel. Tambe e hecho cu nan lo ta educando nan mes pafo di klas hacienda uzo di nan mannan cual ta algo sumamente balioso pa nan desaroyo.

Nos hobennan ta e futuro di nos isla cual ta un factor cu Ministerio di Naturalesa ta enfoca riba dje. Pues un bon educacion pa nos hobennan den e area agricola lo sa di yuda nos isla desaroya un pilar economico adicional.

Minister Arends ta haci un yamado na pueblo di Aruba pa duna nan aporte. Un y tur ta bon bini pa yuda e scolnan traha nan hardin di alimention. Cu apoyo di nos comunidad nos por brinda nos muchanan un bunita proyecto cu lo sa di brinda nan oportunidadnan den futuro.