Proteha bo salud prome cu bo bay di biahe: Vacuna contra Keintura Geel ta recomenda pa cierto destinacionnan
ORANJESTAD – Departamneto di Salud Publico ta recorda tur residente di Aruba cu tin plan pa bay di biahe pa tuma e medidanan di salud necesario prome cu nan sali.
No ta importa e motibo di bo biahe sea pa vakantie, estudio, tratamento medico, negoshi of aventura bo salud mester ta proteha durante bo estadia pafo di Aruba te ora bo regresa.
Na esnan cu ta bay cierto paisnan den Caribe, Sur America, Centro America of Africa, ta fuertemente recomenda pa nan busca e vacuna contra Keintura Geel. E vacuna aki ta un dosis cu ta valido pa bida largo, pero mester ricib’e no menos cu 10 dia prome cu biaha.
Paisnan di riesgo:
Caribe: Trinidad y Tobago
Suramerica y Centroamerica: Argentina, Bolivia, Peru, Ecuador, Colombia, Brasil, Venezuela, Paraguay, Panama, Guayana Francesa, Guayana, Surinam
Africa: Angola, Benín, Burkina Faso, Burundi, Camerún, República Centroafricana, Chad, Congo, Republica Democratica di Congo, Costa di Marfil, Guinea Ecuatorial, Etiopía, Gabón, Gambia, Ghana, Guinea, Guinea Bissau, Kenia, Liberia, Mali, Mauritania, Níger, Nigeria, Senegal, Sierra Leone, Sudán del Sur, Sudán, Togo, Uganda,
Informacion importante:
- Tur biahero mester haya e vacuna si nan ta bay of ta keda mas cu 24 ora den un di e paisnan menciona arriba;
- Si bo a ricibi e vacuna den pasado y tin bo buki geel (prueba di vacuna), bo no mester haya e vacuna atrobe;
- Si bo no tin e buki geel pero a haya e vacuna na Aruba, bo por haya un duplicado na balor di Afl. 10,-;
- E vacuna no ta recomenda pa mucha menor di 9 luna, adulto mayor di 60 aña of mas, muhe na estado of cu deseo pa sali na estado den e siguiente lunanan, persona inmunocomprometi, of cu alergia fuerte na componentenan di e vacuna (manera webo).
Unda y con pa haya e vacuna:
- Haci bo cita no menos cu 10 dia prome cu biaha door di yama 5224200;
- Riba dia di bo cita, dirigi bo mes na Seccion di Malesanan Infeccioso, Avicenastraat #1 (patras di edificio principal di DVG);
- Trece bo identificacion valido;
- Costo di e vacuna ta Afl. 31,-, por paga solamente via swipe of transferencia online;
- No ta acepta cash of creditcard.
Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba,subi nos website www.dvg.aw, yama nos na 5224200 of mail nos na servicio@dvg.aw .
