Prome Minister Eman a reuni cu Royal Schiphol Group
ORANJESTAD – Prome Minister Mike Eman a reuni cu Peter van Oord, CEO di Royal Schiphol Group, na Hulanda riba 24 di september 2025, pa discuti riba futuro di Aeropuerto Internacional Reina Beatrix.
Ambos partido a reafirma nan compromiso pa amplia nan partnership strategico, enfocando riba intercambio di conocemento, oportunidadnan di entrenamento pa profesionalnan hoben Arubiano, y explora e participacion minoritario potencial di Schiphol den aeropuerto.
Sr. Van Oord a enfatisa e rol di Aruba como partner clave y a cita e exito di colaboracionnan anterior den transformacion di aeropuerto den un organisacion confiabel y stabiel. Prome Minister Eman a subraya e importancia di aliansa strategico cu partnernan internacional cu ta aporta experticio, innovacion, y sostenibilidad. E paso nobo aki lo fortalece nos aeropuerto y fortifica e posicion di Aruba como hub regional.
E reunion a reafirma e compromiso di gobierno di Aruba pa inverti den infrastructura critico cu ta sostene tanto e pueblo como e economia di Aruba.