Presentacion plan tecnico di AWSS pa solucion pa e problematica di RWZI

Pues esaki ta marca un momento historico  riba nos isla pasobra pa decadanan no a atendi e problema di awa preto ariba Aruba a keda adecuadamente. E sistemanan di purificacion cu ta funciona riba nan capacidad ta un menasa directo riba nos sector turistico, nos medio ambiente y nos economia. Despues cu e ley a pasa pa delega e maneho di e plantanan aki na un entidad priva, a move lihe pa por realisa e prome stapnan di e compania recientemente forma.

Awe AWSS ta conta cu un ekipo capacita cu ta cla pa ehecuta e plan. Ministerio di Naturalesa, conhuntamente cu Ministerio di Energia y Asuntonan General ta desea AWSS hopi exito cu nan tarea. Minister di Transporte, Integridad, Naturalesa y Asunto di Adulto Mayor Ursull Arends ta duna un danki special na señor Jossy Figaroa kende a lidera e comision encarga cu e privatisacion di RWZI. Ademas, ta gradici director di DOW, Marlon Croes y director of Utilities Aruba, Ton Rojer cu a traha incansabelmente pa por a logra esaki.