Permiso di estadia pa un studiante stranhero of un stagiaire
Studiante stranhero of stagiaire cu kier bin studia na Aruba of kier bin core stage, mester tin un permiso temporal di estadia prome cu nan bin Aruba. Si bo ta cumpli cu tur condicion, bo por bin na remarca pa un permiso di estadia sin trabou. Stagiaire of studiante ta haya e permiso aki bou di condicion cu durante di nan stage of estudio nan lo no traha. E permiso temporal ta valido pa e periodo di nan stage of estudio pero no mas largo cu un aña.