Pastoor Canuto 'Toti' Fuentebella a cumpli 25 aniversario como Pastoor na Aruba

E file aki ta den archivo.

ORANJESTAD – Recientemente Pastoor Canuto 'Toti' Fuentebella kende recien a cumpli 25 aña trahando como Pastoor na Aruba a bishita Minister di Finansa y Cultura Xiomara Maduro. 

Pastoor Toti tabata acompaña pa dos parokiano di Paradera, sra. Jeanette Croes y sra. Miriam Jansen,

Durante e encuentro, Pastoor Toti a conta di su yegada na Aruba, sirbishi den diferente distrito y di su trabou na e Parokia Santa Filomena na Paradera na unda e ta predica y brinda sosten na e comunidad Catolico.

Pastoor Toti a nace na Philipinas y na un edad hopi jong, despues di 3 aña di a ordena como Pastoor, na aña 1998 ela bin Aruba pa asina por yuda den guia spiritual como Pastoor. Den un tempo relativo corto Pastoor Toti a siña domina nos idioma Papiamento y a adapta y siña conoce y aprecia nos cultura. Pastoor Toti a sirbi Misa den diferente parokia e.o. na Santa Cruz, Savaneta, San Nicolas y na aña 2007 Pastoor Toti a bay na cabes di e Parokia Santa Filomena na Paradera.

Minister Maduro ta felicita y gradici Pastoor Toti pa su 25 añanan dedica na e trabou sacerdotal na bienestar di Aruba.
 

Pastoor Canuto 'Toti' Fuentebella a cumpli 25 aniversario como Pastoor na Aruba