Pais Aruba ta duna relato na ATIA di trabaonan haci den cuadro di Landspakket

Esaki por medio di un sesion informativo na unda e diferente trekkers cu ta encarga cu temanan cu tin de haber cu reforma financiero, di nos red di siguridad social, di mercado laboral y di e aparato gubernamental, a reuni pa trata tur e trabounan cu ta haciendo na e momentonan aki y e trabounan cu tin proyecta pa futuro.

Pa Pais Aruba, a participa na e reunion, Director di Financien Derrick Werleman, Emeliën Kelly di DirFin, Indra Zaandam, Roraima Arends  di e Tijdelijke Werkorganisatie Aruba
(TWO-AUA),, Directora di Departamento di Recurso Humano (DRH) Omaira Lares, Ghislaine Gomes y Marylou Tromp di DRH, Glendeline Croes di Ministerio di Labor, Energia y Integracion y Yvonne Lee-Perez di Departamento di Labor (DAO).

Cada persona encarga cu e temanan corespondiente a duna un relato di e trabounan cu ta haciendo. Na mesun momento a para keto na e sistematica di landspakket, di e forma cu ta traha y tambe a splica kico ta e papel di entre otro TWO Aruba como tambe TWO Hulanda.

A para keto na e structura y governance, a papia di e sistematica di raportahe na unda cu, den e caso aki, e uitvoeringsagenda ta duna un indicacion di e trayectonan cu ta planifica y e uitvoeringsrapportage ta duna indicacion di kico tabata e prestacion di trayectonan cu a proyecta.