Orario di servicio di Abattoir (Veterinaire Dienst) pa temporada druk di november y december 2025
ORANJESTAD - Veterinaire Dienst ta recorda tur persona cu kier sacrifica un cabrito, carne of porco pa consumo mester haci esaki na Abattoir.
Matamento di bestia na cas ta ilegal y por tin su riesgonan pa salud di hende. Tur hende cu kier haci uzo di servicio di Abattoir pa sacrifica un bestia durante luna di november y december 2025 por haci esaki for di dialuna te cu diahuebs, parti mainta cuminsando dialuna 10 di november te cu diahuebs 18 di December 2025. Riba diamars 13 di januari 2026 abattoir lo ta operacional atrobe.
Alabes ta anuncia cu e proceso di sacrifica animal na Abattoir ta tuma luga a base di afspraak. Doño cu ta desea di sacrifica un of mas animal pa come mester percura pa yama di antemano pa confirma cu e kier haci uzo di e servicio di Abattoir pa asina coordina e matansa na un manera mas structura. Pa haci un afspraak por tuma contacto cu Veterinaire Dienst na telefoon 5224310 of 5224320 of pasa personalmente na Veterinaire Dienst Barcadera 1.
Ta pidi encarecidamente pa trece animalnan na e ora duna di e afspraak. Si no bin na e ora duna na e afspraak mester haci un cita di nobo. Corda bon sin afspraak bo lo no wordo atendí.
Riba e mesun dia di matansa ta bay cu e carni despues di e pago na administratie; abattoir no tin servicio di warda carni y no ta responsabel pa cu esaki. Tene na cuenta cu e ultimo dia pa mata bestia ta Diahuebs 18 di December 2025 cu un capacidad limita; pues no warda te ultimo ora y traha bo afspraak di antemano.
Ban coopera hunto pa asina e proceso na Abattoir por bay na un manera planifica y trankil pa asina nos tur por pasa un bon fin di aña.
Pa mas informacion:
- Facebook: Directie Volksgezondheid DVG Aruba
- Instagram: @directie_volksgezondheid_aruba
- Website: www.dvg.aw
- Telefoon: 522-4200
- E-mail: service@dvg.aw