Oranje Fonds ta anuncia e organisacionnan cu por ricibi un premio

E Oranje Fonds ta entrega e premio aki tur aña na tres organisacion cu ta dedica nan mes na un manera special na un sociedad conecta den Hulanda y e parti Caribense di nos Reino. Un votacion di 10 dia y un dia di profila e organisacion lo determina ki 10 organisacion lo sigui como nominado. Tres di nan lo ricibi un 'Appeltje van Oranje' for di man di Reina Máxima riba 8 di october. E aña aki e Oranje Fonds a ricibi 99 peticion. Un bista di tur e 50 candidato ta disponibel na www.appeltjevanoranje.nl.

E candidatonan Caribense ta:

• Stichting Trampolin pa Trabao - Aruba
• Fundacion Pa Nos Comunidad - Aruba
• Stichting Hestia Stichting Hestia Curaçao
• Mega D Youth Foundation - Sint Eustatius
• Freegan Food Foundation - Sint Maarten
• Fundashon ManUniko - Curaçao
• Excellence Center in Education Foundation (ECE) - Curaçao
• Fundashon Sentro di Bario Otrobanda - Curaçao
• Fundacion ADRA ARUBA
• Leaders for Change - Sint Maarten

Huntu Nos Ta Bataya Pobresa

Linknan indispensabel den e lucha contra pobresa.

Pobresa ta un problema persistente den Caribe. E impacto di esaki ta grandi y ta afecta salud, oportunidad y e posibilidad pa participa. Un di cada tres habitante di Caribe ta biba den pobresa. E politica di pobresa existente hopi biaha ta complica of insuficiente, loke ta haci cu hende no ta haya e sosten cu nan mester. Asina, iniciativanan social ta indispensabel den reduccion y prevencion di pobresa. Nan ta cerca di pueblo, tin nan confiansa y ta ofrece e sosten cu hende tin mester.

Pa e edicion aki di e 'Appeltjes van Oranje' e 'Oranje Fonds' ta busca organisacionnan cu ta yuda na un manera duradero pa caba cu pobresa y problema di debe. Den e sentido aki, Oranje Fonds ta referi na organisacionnan cu ta fortalece hende cu conocemento y habilidad. Un criterio importante den e seleccion di candidato ta cu e organisacion mester tin como meta preveni of reduci pobresa.

Dia di voto y dia di profila e organisacion

For di 18 pa 27 di mei lo tin 10 dia di votacion. Via e website www.appeltjesvanoranje.nl tur hende por vota un biaha pa un di e 50 candidatonan. E organisacion cu tin mas voto lo ta e prome nomina. Lo scoge e otro nuebenan durante e dia di profila e organisacion den luna di juni. Aki nan ta presenta nan mes na otro y na un hurado. E hurado tin e voto determinante riba e nominacion di un organisacion.

Appeltje van Oranje

E Oranje Fonds ta entrega cada aña tres Appeltjes van Oranje na organisacionnan cu ta dedica na un sociedad conecta. Tin iniciativanan cu ta indispensabel y cu ta activo pa por lo menos dos aña caba. E premio ta un reconocemento di nan trabou y dedicacion. E tema ta cambia tur aña. E premio ta consisti di un figurino di brons diseña pa prinses Beatrix y un premio di 25.000 euro. E reina ta entrega e premio.