October ta e Luna di Conscientisacion pa Cancer di Pecho

ORANJESTAD - October ta Luna di Conscientisacion di Cancer di Pecho, un oportunidad mundial pa conscientisa riba cancer di pecho y yama pa accion pa mehora acceso na diagnostico na tempo y cuido di calidad.

E tema “Tur storia ta unico y tur trayecto ta conta”, ta reconoce cu cada experiencia di cancer di pecho ta diferente. Tras di cada diagnosis tin un persona, un famia y un trayecto unico. Hende por enfrenta diferente reto dependiendo di nan diagnosis, tratamento, rednan di sosten y acceso na cuido.

Detras di cada cifra tin un bida, un storia y un ser stima cu ta merece nos sosten, amor y comprension. E aña aki nos ta recorda cu “Tur storia ta unico y tur trayecto ta conta”, pasobra ningun hende mester enfrenta e bataya aki su so.

1 di cada 8 hende muhe lo por enfrenta cancer di pecho, e mensahe ta cla y poderoso: Deteccion trempan ta e miho defensa! 

E siman aki y henter luna di october, ban uni como comunidad pa educa, sostene otro y recorda cu bo salud mester ta bo prioridad!

Haci bo chekeo, comparti e mensahe aki y salba bida!

Pa keda semper informa:

October ta e Luna di Conscientisacion pa Cancer di Pecho.