NO TA PERMITI UZO ILEGAL DI STEP, BIKE Y SCOOTER ELECTRICO RIBA CAMNIDA PUBLICO
ORANJESTAD – Ministerio di Husticia, Integracion, Transporte Publico y Energia ta informa cu lo no tolera e uzo ilegal di e vehiculonan electrico cu ta: e-bike, e-step y e-scooter riba caminda publico.
Di acuerdo cu e Landsverordening wegverkeer (AB 1997 no.18), tur vehiculo cu ta funciona como vehiculo di motor (gasolin, diesel, gas, electrico etc) mester cumpli cu exigencianan tecnico, registracion y seguro pa por ta riba camindanan publico. Basa riba e Algemene Politieverordening (APV art. 15 & 23), polis por confisca tur vehiculo cu ta ocupa espacio publico sin permiso of cu ta obstaculisa trafico.
Vehiculonan electrico cu no ta cumpli e normanan legal y tecnico no ta permiti riba acera, caminda, ni otro espacio publico. E decision ta basa riba e principio di siguridad publico y respet pa nos leynan.
Cu e anuncio aki Ministerio di Husticia, Intergacion, Transporte Publico y Energia ta avisa cu lo tuma accion den caso cu incumplimento.
