No interactua cu e Lora

E file aki ta den archivo.

ORANJESTAD – Parke Nacional Arikok  ta comparti informacion pa cu e proyecto di reintroduccion di Lora den nos naturalesa. 

E conservacion di e Yellow-Shouldered Amazon, mihor conoci mane e 'Lora' ta depende di con nos como humano ta actua. 

Nos ta wak cu hopi persona cu ta cana ta topa e 'Lora' den areanan di naturalesa protegi y nos ta sigur cu esaki ta trece hopi alegria y orguyo pa cualkier Arubiano. Pero no ta tur hende sa con pa actua ora nan topa e bestia hopi social y inteligente aki. 

E guia aki ta yuda splica con pa actua den un manera cu mas efectivamente ta yuda cu nos esfuersonan pa conserva e 'Lora'. Porfabor, lesa y sigi e tipnan akinan pa asina nos por segura cu e Lora ta sobrevivi pa futuro generacionan tambe por gosa di dje. 

Keda vigilante y si mira e Lora, por fabor raporta esaki via Whatsapp na FPNA su Wildlife Hotline na +𝟐𝟗𝟕 𝟓𝟗𝟐 𝟒𝟒𝟕𝟔 of manda un email na 𝐢𝐧𝐟𝐨@𝐚𝐫𝐮𝐛𝐚𝐧𝐚𝐭𝐢𝐨𝐧𝐚𝐥𝐩𝐚𝐫𝐤.𝐨𝐫𝐠. Ban tuma accion pa proteha y preserva nos parhanan nativo pa generacionnan binidero.
 

Guia conservacion di e ‘Amazona barbadensis’ , tambe conoci como Yellow Shouldered Amazon, of lora.