Ministerio Publico tin findishi di boto 6 di november venidero

Ta trata di boto warda na Marinierskazerne na Savaneta. 
Lo bende e botonan aki na esun cu ofrece mas cen pa nan.
Mescos cu tempo a bende boto den añanan anterior, bo persona mester inscribi di antemano na Ministerio Publico.

Esakinan ta e reglanan: 

• Bo por inscribi te diabierna 25 di october na Ministerio Publico via ann.angela@omaruba.aw. 
• Bo por opta tambe pa yama sra. Angela na Ministerio Publico na tel. 521-4135. 
• Despues di 25 october inscripcion ta cera.
•  Ora di inscribi mester inclui:
  • Nomber
  • Fam
  • Fecha di nacimento
  • Pais di nacimento
  • Number di ID (di bo ID, paspoort of rijbewijs)
  • Number di telefon.
• Unicamente personanan cu a inscribi na OM mag di meld nan mes riba 25 di october 2024 pa 9’or di mainta na entrada di Marinierskazerne pa wak e botonan y duna un oferta por escrito riba e boto cu nan ta desea pa cumpra.
• Ora bo presenta na porta di Marinierskazerne, bo mester mustra e mes ID cu bo a inscribi cu ne. 
• Si bo no tin esey cu bo, bo lo no haya entrada.
• Muchanan no mag di drenta.
• Si bo persona resulta esun cu a haci e oferta mas halto, lo tuma contacto cu bo. 
• Despues bo por pasa e placa na banco. 
• Pago por solamente via TRANSFERENCIA BANCARIO. 
• Bo mester pasa placa na banco. 
• No por swipe ni paga cu cash. 
• Ta  entrega e boto una vez mustra e recibo di pago, e contrato di compra y e ID di e cumprado. 
• Lo  informa e comprado despues tocante e fecha cu e por busca e boto. 
• Ministerio Publico no ta duna ningun garantia riba e estado di e botonan. 
• E benta ta ‘AS IS WHERE IS’. 

• E cumprado mes mester percura pa busca y transporta e boto.