Minister di Finansa a reuni cu profesor Roger Hosein di University of West Indies
ORANJESTAD - Den cuadro di trabounan necesario pa cumpli cu e reformanan den e Landspakket, Minister di Finansa y Cultura, Xiomara Maduro, a reuni cu profesor Roger Hosein di University of West Indies.
Profesor Hosein ta haciendo un investigacion pa Minister di Asunto Economico Geoffrey Wever
riba tema E6 di Landspakket pa haya un bista detaya di e oportunidad economico pa e
economia di Aruba, pa cual a reuni tambe cu ex Ministernan di Economia di Aruba.
Den presencia di directora di Departamento di Asunto Economico, Comercio E industria, Maria
Dijkhoff-Pita, Minister Xiomara Maduro y su consehero Nilo Swaen, ambos (ex-minister di
Finansa y Asunto Economico), a contesta algun pregunta di profesor Hosein. Durante di e
entrevista a elabora riba, e desaroyo di Aruba su Producto Interno Bruto (Gross Domestic
Product - GDP) y e participacion di e mercado laboral pa contribui na e crecemento economico
di Aruba.
A duna un bista riba e trabounan cu a haci hunto cu stakeholders na 2019 pa identifica e "six promising sectors" cu ta indica den cual direccion por diversifica e economia di Aruba. A referi tambe na e "Economic Policy, a strong and resilient economy 2019-2022 ( Maneho Economico, un economia fuerte y Resiliente 2019 -2022)" cu ta contene e maneho cu a hiba den e añanan como Minister encarga cu Asunto Economico.