Minister di Enseñansa a reuni cu Xavier University School of Medicine Aruba

E file aki ta den archivo.

ORANJESTAD: Recientemente, Minister di Enseñansa y Deporte Endy Croes, hunto cu Abogado y Consehero di Gobierno mr. Andin Bikker, mr. Jessica Winterdaal, Wetgevingsjurist Kwaliteitsinstituut Aruba, a reuni cu representantenan di Xavier University School of Medicine Aruba, Dr. Arun Dubey, Hefe di Asunto Academico y Frank Croes, miembro di directiva di Xavier University.

Xavier University School of Medicine Aruba ta un universidad reconoci y acredita pa ACCM. Den ultimo añanan a haci un inversion di mas di 70 miyon US$ Dollars den un facilidad educativo ultramoderno na Shaba y ta brinda e estudio di Medical Doctor (MD) na studiantenan internacional.

Despues cu e studiantenan termina nan estudio na Aruba, nan ta continua cu nan specialisacion di 3, 5 of 7 aña na Merca. Tin algun estado na Merca tin cierto rekisito legal, unda cu e studiantenan mester prueba cu nan a finalisa nan estudio na un universidad reconoci. Durante di e reunion, a trata aspectonan tecnico y legal con gobierno por sostene tanto Xavier University y tur otro universidad den e proceso aki pa asina cumpli cu tur rekisito na momento cu e studiante drenta Merca pa continua su estudio.

Minister di Enseñansa y Deporte Endy Croes, hunto cu Abogado y Consehero di Gobierno mr. Andin Bikker, mr. Jessica Winterdaal, Wetgevingsjurist Kwaliteitsinstituut Aruba, ta reuni cu representantenan di Xavier University School of Medicine Aruba, Dr. Arun Dubey, Hefe di Asunto Academico y Frank Croes, miembro di directiva di Xavier University.