Minister di Asunto Economico den reunion cu Kamer van Koophandel

E file aki ta den archivo.

ORANJESTAD - Recientemente a tuma luga reunion di Minister di Asunto Economico, Comunicacion y Desaroyo Sostenibel Geoffrey wever cu Presidente di Camera di Comercio, Sr. Kemmerling, y Director di Camera di Comercio, Sr. Balkenstein, riba diferente punto di atencion relevante pa economia y cu merece atencion.

Cada seis (6) siman Camara di Comercio di Aruba ta reuni cu Minister di Asuntonan Economico,  pa discuti y strategia riba diferente topico y pa haci palabracion concreto cu ta na fabor di comercio na Aruba. 

E topiconan di e reunion di e siman aki tabata entre otro:

  1. E resultado di Trade Mission pa Suriname cu Minister di Asuntonan Economico a organisa hunto cu Camara di Comercio y ATIA;
  2. e problemanan riba mercado laboral y falta di personal adecua; 
  3. e cobransa pa haci uzo di e portal digital di Camara di Comercio;
  4. e contract entre WEB Aruba N.V. y Eagle LNG;
  5. participacion di Aruba na un posibel Trade Mission pa Panama;
  6. un update di e plannan pa revitalisa San Nicolas y Oranjestad;
  7. e estudio cu Ministerio di Asunto Economico a laga haci riba e structura macro economico di Aruba su economia door di Professor Roger Hosein hunto cu Hulanda;
  8. e ayudo cu Aruba ta bai ricibi di United Nations pa desaroyo e FINTECH sector na Aruba;
  9. e proceso pa certifica Oranjestad como un Capital Culinario.