Mediateca Escolar, un servicio pa tur scol

Meta principal ta pa yuda scolnan, maestro y educadornan pa duna e muchanan acceso na buki pa nan por desaroya nan habilidad di lesamento como herment pa compronde texto y como pasatempo. BNA ta percura pa tin un coleccion di buki di diferente nivel na scol mes y den klas, for di kleuter te cu ciclo basico. E enfasis ta riba e herment pa sostene educacion y promove e placer di lesamento cerca e muchanan.

Ta ofrece diferente tipo di coleccion:

• Wisselcollectie: 10 buki pa un luna
• Projectcollectie: 15 buki tocante di un tema specifico
• Klassenbibliotheek: 30-45 buki pa un periodo di 3 pa 6 luna

Mediateca Escolar ta mantene un bon cooperacion y comunicacion cu scolnan. Na 2023 a haci un inventarisacion bou 70 scol basico. 31 ta indica cu nan tin un biblioteca  activo, 13 scol cu tin un biblioteca pero no ta activo, 23 scol tin un coleccion di buki den klas y 12 scol ta preparando pa habri un biblioteca. 27 scol no tin biblioteca y 7 scol no a participa na e inventarisacion.

Pa mas informacion di e Mediateca Escolar, scolnan of maestronan por tuma contacto cu Mediateca escolar situa na George Madurostraat # 13 yama 528 1500 of 528 1530 of manda un email pa sra. Valerie Figaroa na valerie@bna.aw.