Massive Brass Band lo habri Parada Grandi San Nicolas y Playa

Un iniciativa cultural innovado cu lo ta trece un impacto y aporta na nos cultura grandemente. E proyecto aki lo conta cu 35 musico di brass band cu lo duna un presentacion unico.

Asambeho como parti di nos cultura

Asambeho ta gara e atencion di tanto comunidad local como di nos huespednan, creando un conexion profundo a traves di musica y tradicion. E proyecto di Asambeho ta resultado di un colaboracion entre ATA y Go Cultura Foundation (GCF), cu ta refleha e compromiso continuo di ATA pa sirbi como catalisado di innovacion y aporte na preservacion di nos cultura. A traves di e iniciativa aki, ATA ta fortalece su rol como un aliado di e Industria Cultural y Creativo di Aruba.

Un Celebracion di impacto cultural

E impacto di e proyecto di Asambeho ta fungi como un simbolo riba e panorama cultural di Aruba.
E aña aki a introduci un sonido fresco y dinamico cu ta inclui:

• Inspiracion y Creatividad: a motiva musiconan local pa experimenta y innova, surpasando e frontera di expresion cultural;
• Fortalece Union: a crea un laso comunitario mas fuerte, uniendo diferente organisacion y talento cu un vision comparti;
• Reforsa Turismo Cutlural: eleva perfil di Aruba como un destinacion cultural di clase mundial, ta atrae huespednan cu ta desea un experencia y tradicion unico di nos isla;
• Empodera Industria Creativo: ta facilita un plataforma pa musiconan, bailarinanan y profesionalnan tecnico por expresa nan talento.

Mientras Carnaval 71 ta honra nos pasado y admira nos futuro, e proyecto di Asambeho ta para como un testimonio fuerte di e evolucion cultural dinamico di Aruba. E historia di e Asambeho ta disponibel riba https://www.aruba.com/us/our-island/history-and-culture/asambeho-history. 
E ta personifica e balornan fundamental di ATA cu ta e 4 ‘C’, esta Curashi, Curiosidad, Compasion, y Curason.

ATA y Go Cultura Foundation ta invita comunidad pa disfruta di e proyecto di Asambeho y pa celebra y aplaudi nos musiconan, nos herencia, y e unidad cu carnaval ta trece. E proyecto di Asambeho ta mas cu un presentacion—e ta un movemento cu ta refleha e ritmo di identidad di Aruba.