Mas di 130 “Letter of Intent” firma na Agroalimentaria 2025 door di delegacion di Aruba
ORANJESTAD - E delegacion comercial consistiendo di 30 empresariodi Aruba cu a atende e conferencia di Agroalimentaria 2025, na Republica Dominicana a logra na cera cu mas di 130 “letter of intent” pa trece entre otro fruta, berdura, awacati, webo, hariña y much mas.
Di tur e paisnan cu a asisti e confrencia di Agroalimentaria 2025, Aruba a haya reconocimento como e pais cu a cera mas “Letter of intent” entre e comerciantenan di Aruba y di Republica Dominicana. Cu e desaroyo aki y tambe e noticia recien cu un compania di logistica, Don Andres, cu ta opera barco di transporte den Cariba ta amplia nan servicio dor di consolida e mercancia den e almacennan di Don Andres, clientenan por optimisa nan “supply chain” y probecha di solucionnan di envío adapta na nan necesidad specifico.“Sigur un biahe comercial sumamente exitoso”, segun Minister di Finansa, Economia y Sector Primaria Geoffrey Wever.
Minister Wever ta gradici y felicita delegacion comercial di Aruba y Departamento di Asuntonan Economico, Comercio y industria (DAECI) especialmente señora Sharon Meijer, pa nan tremendo trabou haci durante feria Agroalimentaria 2025, na Republica Dominicana.