Maneho pa pashent inmobil na cama of den rolstoel ricibi vacuna di Influenza

E servicio ta obtenibel di Influenza te na auto of te na cas pa e grupo di pashentnan aki. 

Tur persona inmobil na cama (bedlegerig) cuminsando for di 6 luna, ta bin na remarke pa ricibi e vacuna di Influenza completamente gratis. Tur locual ta necesario ta prueba di nan AZV. 

Famia cu ta desea pa nan familiar cu ta inmobil riba cama na cas ricibi e vacuna anual di Influenza por tuma contacto cu Seccion di Malesanan Infeccioso di DVG na telefon 522400 pa registra pa e servicio. DVG lo tin un team di enfermeronan cu lo pasa na cas segun cita pa brinda e servicio di vacunacion.

Pa pashentnan cu limitacion mobil por ehempel den rolstoel, DVG tin e servicio di vacuna den auto. 

• Si e persona ta riba 60 aña tur locual ta necesario ta su carnet di AZV.
• si e persona no tin 60 aña ainda mester presenta cu un recept di dokter y su carnet di AZV. 

E persona por yega na seccion di Malesanan Infeccioso situa na Avicenastraat#1 (patras di edificio di DVG) entre dialuna cu diabierna for di 1.30-4.00 pm. Na su yegada su familiar of dunado di cuido mester baha pa haci e parti administrativo y un enfermero di e seccion lo sali pafo pa brinda e servicio di vacunacion den auto.  

Lo vacuna e adulto mayor cu ta biba den casnan di cuido na e cas di cuido unda e ta biba, si familiar pidi pa esaki.  

Pa mas informacion:

• Yama 5224200
• Bishita www.dvg.aw 
• Email servicio@dvg.aw.
• Sigui nos riba Facebook page Directie Volksgezondheid DVG Aruba 
• Follow nos riba Instagram directie_volksgezondheid_aruba