Pa entrega di producto y servicio na gobierno e siguiente condicionnan general ta aplicabel.

    1. E condicionnan general ta encera tramitenan entre Pais Aruba y proveedornan (companianan) relaciona cu entrega di producto y servicio despues di duna y haya respectivamente un orden p’esey.
    2. Entrega di producto y servicio ta tuma luga a base di un bon di pedido/bestelbon (tambe yama orden di compra –inkooporder of un “purchase order), duna door di Departamento di Finansas, Parlamento di Aruba, Organo Consultativo (Raad van Advies), Controlaria General (Algemene Rekenkamer) of e Departamento di Obra Publico (DOW).
    3. Despues di entrega di un producto of servicio, e direccion, servicio, bureau concerni c.q. Parlamento di Aruba, Controlaria General, Conseho Consultativo of Departamento di Obra Publico ta indica pa medio di un stempel y firma riba e factura/recibo cu e producto of servicio ta na ordo pa loke ta trata e cantidad, prijs, calidad di e productonan of servicionan entrega.
    4. Pais Aruba ta mantene den principio un termino di 90 dia pa paga un factura aproba, valido desde e fecha di factura.
    5. Pais Aruba no ta acepta condicion den contract (combenio) cu ta inclui suma di garantia.
    6. Pais Aruba ta hasi uzo di su autoridad pa ahusta segun e stipulacionnan para den e Codigo Civil di Aruba.
    7. Despues cu haya aviso di incumplimento y notificacion di interes, e ora ey e interes riba e pago atrasa (despues di 90 dia) na e proveedor ta igual na e interes segun ley.
    8. E duracion total di e combenio ta di un periodo maximo di cinco aña (incluyendo prolongacion di e combenio).
    9. Ora cu contrata subcontratista, e contratista principal (particular/natuurlijke persoon of persona huridico/rechtspersoon) y tambe e subcontratista contrata (particular of persona huridico) mester entrega belasting riba entrada, AOV/AWW/ZV- y e primanan di AZV na tempo. Ora ta trata di un persona huridico, e dirigentenan/particularnan ta personalmente responsabel cu nan capital priva den caso cu nan no cumpli cu e pago y cu por asumi cu e incumplimento ta debi na e evidente mal maneho di gerencia.
    10. E ley di Aruba ta aplicabel riba tur tramite y combenio entre e proveedor y Pais Aruba. Disputa/conflicto entre e proveedor y Pais Aruba ta ser husga dor di un hues autorisa segun ley di Aruba.
    11. Den principio ta conta un termino di binti luna prome cu e debe caduca, despues di comienso di e aña den cua e debe di placa di Pais Aruba na e proveedor, basa riba e productonan y servicionan cu e la entrega, mester ta paga, teniendo na cuenta e stipulacionnan concerni den e Ley di Contabilidad 1989.
    12. Si Pais Aruba segun e administracion di Departamento di Impuesto tin cuentanan di belasting habri y caduca riba e proveedor, cu otro palabra den caso cu e proveedor debe gobierno belasting, e ora ey Departamento di Finansas riba peticion di Departamento di Impuesto lo paga e suma cu gobierno debe e proveedor na Departamento di Impuesto te cu e montante cu e proveedor debe gobierno ex articulo 10 di e ley di Cobransa. Basa riba e articulo di ley menciona Departamento di Finansas ta autorisa pa tranferi ariba su propio iniciativa e suma cu e proveedor debe pa Departamento di Impuesto.