Lot pa kavel di Carnaval 72
ORANJESTAD - Directie Infrastructuur en Planning (DIP) ta informa cu entrante dialuna 5 januari te cu diahuebs 8 januari 2026 e formularionan di peticion pa Carnaval Kavels lo ta disponibel pa yena y entrega.
Con pa aplica
Tur persona interesa pa aplica pa un kavel mester yena e formulario di peticion y entrega esaki na oficina di DIP.
Orario ta di 7.30 am pa 4.00 pm
Download y print formulario cu ta consisti di 4 peticion. mester corta esaki den 4 prome cu entreg’e y yena bo informacion corecto y completo. Pega un zegel/stampia na balor di Awg. 4,- na e peticion. Zegel/stampia ta disponibel na Post Kantoor Aruba na balor di 4 florin.
Deposita e peticion den e buzon corespondiente na e loket di DIP den Hal di Infra Gebouw na Sabana Blanco 68.
Prome cu deposita e peticion den buzon, percura pa e peticion ta yena completo y corecto. Peticion incompleto y incorecto lo considera invalido.
Media y fundacion tambe mester entrega nan carta oficial di peticion na bali di DIP entre dialuna 5 januari te cu diahuebs 8 januari 2026. Tene cuenta cu pa e medianan y fundacionan lo aplica e sistema First in First out (FIFO).
Pa mas informacion bishita nos website www.dip.aw. Detaye tocante e proceso di aplica pa carnaval kavels, fecha importante y tur otro anuncio lo ta disponibel ariba e plataforma aki of por email na carnaval@dip.aw.
Documento y formulario