Lasonan fuerte: Aruba y Boneiro uniendo hunto policialmente
ORANJESTAD – Ta fortifica e colaboracion entre Cuerpo Policial Aruba (KPA) y Cuerpo Policial Hulanda Caribense (Korps Politie Caribisch Nederland - KPCN) mas ainda.
Durante un bishita di trabou recien na Boneiro, representantenan di ambos cuerpo policial a papia tocante intensificacion di colaboracion y intercambio di conocemento entre e islanan.
Altocomisario Ramon Arnhem y hefe di departamento di comunicacion di Cuerpo Policial Aruba (KPA), Liliana Rasmijn recien a haci un bishita di trabou na altocomisario di Boneiro di KPCN (Korps Politie Caribisch Nederland) Alwyn Braaf na Boneiro.
E Cuerponan Policial den region Caribense conoce hunto un historia largo y bunita. KPA (Korps Politie Aruba) y KPCN (Korps Politie Caribisch Nederland) ta expolorando con lo por fortalece mas ainda e colaboracion den e cuerponan. Hunto e delegacion di KPA a cera conoci cu diferente departamento cu ta resorta bao di KPCN.
Durante bishita di trabao e departamentonan di comunicacion di Aruba y Bonairo a cera conoci cu otro y intercambia ideanan pa loke ta e tema aki.
Esaki ta un di e prome bishita den region. Pronto lo haci mas bishita di trabao na e diferente cuerponan den region.
Un danki na altocomisario Alwyn Braaf di KPCN pa su cordialidad como tambe e bon programa hinca den otro pa e bishita cortico pero fructifero. Altocomisario Arnhem y hefe di departamento di comunicacion di KPA, Rasmijn ta agradecido pa por a cera conoci, intercambia informacion y ideanan cu e diferente departamentonan na KPCN.