Kaba ta kuminsá: un coleccion di poesia Curasoleño pa biblioteca
ORANJESTAD - Biblioteca Nacional a ricibi un coleccion special di poema di 9 poeta di Corsou na dos idioma titula ‘Kaba ta kuminsá’.
E obra ta edita pa Nifa Ansano y Juan-Carlos Goilo ilustra pa Alejandra Cijntje (Poeta y ilustrador).
Un di e poetanan ta Katiuska Quiñones. Biblioteca Nacional Aruba a invita Katiuska pa ta parti di e Festival di Buki pa Mucha e aña aki. Katiuska tin diferente talento y ela bay duna presentacion na scol henter e siman aki. Nos ta hopi contento cu su bishita y su presentacionnan interactivo pa mucha. Katiuska sa di capta e atencion di e muchanan y keda den combersacion cu nan.
‘Kaba ta kuminsá’ ta un coleccion di poema di e poetanan:
Alejandra Cijntje, Christine Krolis, Dilara Tramm, Katiuska Quiñones, Mayrond van Lamoen, Nataly Burgzorg, Ralph Winedt, Ruthvienca Pietersz, Vesuhely Americaan
Kaba ta kuminsá: un kolekshon di poesia Kurasoleño = Eindeloos weer geven: een verzameling Curaçaose gedichten. ISBN 9789066652002
https://www.bibliotecanacional.aw/pages/teater-di-popchi-maletin/