Introduccion Proyecto PASADIA

Pasadia ta un programa di dia pa adultonan mayor vulnerabel. Pasadia ta un proyecto innovativo di dagverblijf cu ta diseña pa yuda e adulto mayor biba un bida independiente, fortalece nan contacto social y alivia e presion riba cuido informal. 

Pasadia ta duna adultonan mayor e oportunidad pa ta parti den diferente actividad, cu enfoke riba mehora nan calidad di nutricion y contacto social. E proyecto ta principalmente pa adultonan mayor cu ta core riesgo di keda socialmente isola y cu tin un red social limita.  

Meta di Pasadia: 

1. Mantene independencia: percura cu adulto mayor por sigui ta independiente den nan cas mas largo cu ta posible;
2. alivio di cuido informal. Alivia e presion riba famia y otro cuido informal;
3. alivio di cuido primario: disminui e necesidad pa hopitalisacion y cuido intensivo; 
4. prevencion di hospitalisacion: preveni cu adulto mayor ta drenta hospital of cas di cuido innecesariamente.

Implementacion y plan pa futuro 

Ta implementa e proyecto Pasadia den diferente fase y lo cuminsa cu proyecto di dia na Santa Cruz, San Nicolas, y otro localidad, mientras lo amplia e colaboracion cu mas entidad existente.
Pasadia ta un proyecto realisa den colaboracion cu diferente organisacion, incluyendo: Wit Gele Kruis, FCCA, SABA, Buurtzorg, Cas Marie, YMCA y Rode Kruis. Door di esfuerso colectivo, por crea un ambiente di sosten unda e adultonan mayor por biba cu dignidad y cuido di calidad.