Den caso cu mester inscribi un marca den un forma rapido por haci uzo di e registracion rapido. Aki tambe mester uza e formulario pa inscripcion di marca (Formulier 1ste indiening waren- of dienstmerk)(mester entreg’e den tres ehemplar). Ta sigui e mesun procedura cu esun di e inscripcion normal, unda ta exigi e mesun datonan. Solamente e suma cu mester paga ta diferente y ta trata bo peticion den tres dia.Despues ta notifica bo persona si e marca cu bo a entrega ta bin na remarca pa inscripcion/registracion. 

Unda pa pidi'e? / Mas informacion na

Oficina di Propiedad Intelectual 

Kico mi tin di hiba cu mi?

  • Formulario yena triplifica (tres);
  • Si ta trata di un persona huridico (Fundacion, NV of BV), mester entrega un prueba di inscripcion den e registro mercantil di e Camara di Comercio.

Cuanto e ta costa?

Tarifa pa un peticion rapido (incluyendo pa tres clase)Awg. 350,-
Pa cada clase riba e di tres claseAwg.   50,-
Gasto di registracion pa marcaAwg. 275,-
Gasto di registracion ora uza e procedura rapido unda ta entrega e inscripcion denter di tres diaAwg. 350,-

Despues cu tuma e peticion pa registra bo marca den tratamento, bou di ningun circunstancia bo ta haya bo placa bek.  

Cuanto tempo ta dura pa hay'e?

Den caso cu Oficina di Propiedad Intelectual tin obhecion pa inscribi un marca, e persona cu tin derecho riba e marca mester cancela esaki prome. Despues di procesa e cancelacion, Oficina di Propiedad Intelectual por entrega e prueba di inscripcion. Si no tin obhecion Oficina di Propiedad Intelectual ta informa despues di tres dia cu por inscribi e marca cu e notificacion pa paga e sumanan di registracion cu falta.