HPV awor pa mucha muher y mucha homber

ORANJESTAD - Durante e Campaña Nacional di Vacunacion Escolar 2026-2027, seccion Jeugdgezondheidszorg (JGZ) di Directie Volksgezondheid (DVG) ta ofrece vacuna contra HPV na mucha muher y, cuminsando e aña aki, tambe na mucha homber den klas 6.

HPV, papiloma virus humano, ta un virus hopi comun cu por causa diferente tipo di cancer mas laat den bida. Tanto hende muher como hende homber por haya e virus y por desaroya cancer relaciona cu HPV.

Ta ofreci e vacuna na un edad tempran pasobra e ta brinda e miho proteccion prome cu un persona keda exponi na e virus. 

Vacunando tanto mucha muher como mucha homber, Aruba ta amplia e proteccion contra HPV y ta contribui na prevencion di diferente tipo di cancer den nos poblacion manera entre otro cancer na boca di matris, cancer den boca y garganta, cancer na penis y mas.

Promer cu vacunacion, mayor of representante legal ta ricibi informacion y un formulario di permiso. Sin permiso, JGZ no ta administra e vacuna.

Pa pregunta of mas informacion, tuma contacto cu seccion JGZ na 522-4200.

Vacuna contra HPV ta un oportunidad pa proteha nos muchanan awe contra cancer den futuro.

Bo Salud, Nos Prioridad

Pa keda semper informa:

HPV awor pa mucha muher y mucha homber