Graduacion di facultad di turismo y hospitalidad di EPI

P’e ocasion aki, a invita Minister di Turismo, Transporte y Labor, mr. Wendrick Cicilia como invitado di honor. Durante su introducción Minister Cicilia a inicia na reconoce presencia di algun figura imporante pa  e formacion di e studiantenan, entre otro, amigo, famia, docente,  director general di Colegio EPI Ankie Danker, ‘Unit Manager’ di e facultad di turismo y hospitalidad, Gloria Vega y CEO di AHATA, Tisa LaSorte. 

E anochi di graduacion tabata uno historico y importante. E esfuerso y formacion di e graduadonan ta conecta n’e pensamento di contribui grandemente na pais Aruba. 

“E escogencia cu Boso a haci pa e industria di turismo, ta nifica cu Boso curason ta conecta cu Aruba. Turismo ta e curason y economia di nos pais”, asina Minister Cicilia a indica. 

Minister Cicilia a stimula e graduadonan pa inculca e principio di ‘life long learning’ den nan bida como profesional di e industria. “Nos ta depende di Boso, cada un di Boso ta representa Aruba”, e mandatario di turismo a indica. 

E empleo di e graduadonan ta determina e exito di e producto Aruba. Den tur encuesta haci, locual ta haci Aruba diferente ta nos hendenan, e capital humano. E hospitalidad cu nos ta ofrece nos bishitantenan ta haci nos, Aruba, e paraiso di mundo. 

Na nomber di Gobierno di Aruba a felicita cada un di e graduadonan. Esaki ta apenas e comienso. Ta importante p’e graduadonan inculca den e principio di ‘life long learning’. Boso desaroyo profesional no ta termina aki sino ta apenas e comienso. Nos ta depende di Boso, cada un di boso ta representa Aruba. Aruba ta nos cas y cada un di boso tin un rol den esaki y boso empleo ta determina e exito di e producto aruba. 

E mandatario a felicita cada un di e graduadonan cu e logro importante aki. Cada uno riba nan mes t’un embahador adicional p’e producto Aruba.