Gobierno di Aruba ta completa fondo pa Lago Heights Park

Cu e decision aki, a sigura e presupuesto total pa e proyecto.

E realisacion di Lago Heights Park ta posibel pa medio di un colaboración  entre partnernan local y internacional. A  sigura Financiamento pa e proyecto pa medio di contribucion di CEDE ARUBA (co-financiador y coordinador), Stichting Jantje Beton (Hulanda), Ministerio di Interior y Relacionnan den Reino (BZK) via Representatie van Hulanda na Aruba, Curaçao en Sint Maarten (VNACS), y Gobierno di Aruba. Hunto, e partnernan aki a percura pa e cobertura financiero completo di e proyecto y a demostra un compromiso comparti pa inverti den espacionan publico sigur, inclusivo, y di calidad halto pa mucha y comunidadnan na Aruba.

E aprobacion ta permiti e proyecto pa sigui den su fase final di implementacion. Actividadnan di construccion y instalacion ta programa pa e periodo di maart pa mei 2026, den colaboracion estrecho cu contratistanan local, autoridadnan publico y partnernan di e proyecto. A adkeri material clave y e trabounan preparatorio a tuma luga caba.

Den preparacion pa implementacion, CEDE ARUBA lo organisa un reunion di stakeholders publico riba diaranson 25 di februari 2026 na YMCA San Nicolas. E reunion aki lo trece hunto residentenan, scolnan, organisacionnan den comunidad, y otro stakeholders cu a contribui na e proceso di co-creacion. Lo invita participantenan pa wak e diseño final, ricibi un actualisacion riba e planificacion di implementacion y explora oportunidadnan pa colaboracion riba actividadnan pa comunidad, eventonan y  mantencion a largo plaso di e parke.

Ta  visualisa Lago Heights Park como un espacio publico comparti cu ta sostene e desaroyo di muchanan, fortalece e bida den comunidad y ta stimula e uzo activo dor di famianan y scolnan. CEDE ARUBA ta mira padilanti riba un cooperacion continuo cu Gobierno di Aruba, partnernan di proyecto y comunidad di San Nicolas pa garantisa realisacion exitoso y uzo sostenibel di e parke.

Pa mas Informacion, please tuma contacto:

CEDE ARUBA
Beatrixstraat 8, Oranjestad, Aruba
Email: info@cedearuba.org
Telefon: +297 582 7666