Gobierno a entrega Presupuesto 2025 na Parlamento
ORANJESTAD - Diahuebs 29 di augustus 2024, Minister di Finansa y Cultura Xiomara Maduro, a haci entrega oficial di Presupuesto 2025 di Pais Aruba na Presidente di Parlamento Edgard Vrolijk.
Presente na e ocasion aki tabata Griffier di Parlamento sr. Hek, Secretario di Conseho di Minister sra. Koolman, Director di Departamento di Finansa sr. Werleman y Hefe di Seccion di Presupuesto sra. Kock.
Cu entrega di Presupuesto 2025 na Parlamento, esaki ta bira e tercer presupuesto cu a entrega di acuerdo cu articulo V.12 di nos Constitucion, esta cu mester entrega esaki prome cu 1 di september di e aña prome cu e presupuesto drenta na vigor.
Esaki ta duna Parlamento suficiente tempo pa scrutina e ley y trata esaki pa aproba.
Presupuesto 2025 ta conta cu un surplus di 138 miyon florin y esaki ta di tres biaha despues di hopi aña cu Pais Aruba ta conoce un presupuesto cu un surplus. E presupuesto di 2023, 2024 y awo esun di 2024 tur tres tin surplus.
Pa por cumpli cu nos Constitucion y entrega e presupuesto na tempo, ta rekeri un trabao inmenso di ekipo. Tanto e ministernan den e Gabinete como departamentonan gubernamental manera Departamento di Legislacion, Departamento di Finansa y Departamento di Impuesto a hunga un rol crucial pa por keda cla na tempo y cumpli cu fecha stipula.