Gobernador ta ricibi Secretario di Estado di Asuntonan di Reino
ORANJESTAD - Diamars dia 12 di augustus ultimo e Secretario di Estado di Asuntonan di Reino, señor Eddie van Marum, a bishita Gobernador di Aruba, Su Excelencia Alfonso Boekhoudt pa un audiencia.
Secretario di Estado demisionario Van Marum lo ta haciendo un bishita di introduccion na tur e paisnan Caribense di Reino di 10 pa 15 di augustus.
Durante e audiencia na Cas Ceremonial, e combersacion a inclui e Ley di Reino riba Finansa Publico Sostenibel, e estado actual di implementacion di e medidanan for di e “Landspakketten”, y e rapport di conseho di Conseho di Estado di Reino, titula “70 Aña di e Statuto pa Reino.”
Sr. Roald Lapperre, Director-General di Relacionnan den Reino, sr. Gerbert Kunst, Representante di Hulanda na Aruba, Curaçao y Sint Maarten, sr. Vincent Storimans, Representante Suplente di Hulanda na Aruba, y sra. Tjitske de Groot, Asistente Politico di e Secretario di Estado a acompaña sr. Van Marum durante e bishita aki.
Potretnan: © Kabinet Gouverneur Aruba